ՈՒԱԿ-ի մանկական սենյակն այս կարճ ժամանակում իր գունավոր սենյակում արդեն իսկ ընդունել է ավելի քան 1000 երեխայի

Ուռուցքաբանության ազգային կենտրոն այցի ժամանակ ՀՀ առողջապահության նախարար Անահիտ Ավանեսյանը ծանոթացել է նաև ՈՒԱԿ-ում գործող մանկական սենյակի աշխատանքներին, պայմաններին, գնահատել հարդարանքն ու մատուցվող ծառայությունը։

Հիշեցնենք, որ մանկական սենյակը բացվել է ս․թ․ հունիսի 1-ին՝ երեխաների պաշտպանության օրը։ Հոգեբանի ուղեկցությամբ՝ երեխաները խաղում են, նկարում, կազմակերպում իրենց ժամանցը։ Մի քանի ամսում մանկական սենյակը հյուրընկալել է 1000-ից ավելի երեխայի։

Այս քայլով ՈՒԱԿ-ն ապահովում է երեխաների մանկության բնականոն ընթացքը՝ լի խաղերով, գույներով և դրական հույզերով:

Մանկական սենյակի ծառայությունն ԱՆՎՃԱՐ է, ծառայությունները նախատեսված են մեր կենտրոն այցելող բոլոր բուժառուների երեխաների, ինչպես նաև կենտրոնում բուժում ստացող փոքրիկ բուժառուների համար:

Լուսանկաները հրապարակվել են ծնողների թույլտվությամբ: