ՈՒԱԿ-ի 4-րդ հարկում այսուհետ կգործի Անոթային և էնդովասկուլյար վիրաբուժության բաժանմունքը, որը ղեկավարելու է անոթային վիրաբույժ Գուրգեն Գրիգորյանը։ 

Բաժանմունքում կատարվելու է երակային և զարկերակային խնդիրներով հիվանդների ախտորոշում և բուժում՝ ժամանակակից մեթոդների կիրառմամբ: Անոթային պաթոլոգիաները հաճախ են հանդիպում ՈՒԱԿ-ում (յուրաքանչյուր ուռուցքային հիվանդ հաճախակի է բախվում անոթային խնդիրների (մասնավորապես՝ երակային) և զարկերակային թրոմբոզների։ Այս բաժանմունքը կարողանալու է արագ արձագանքել առաջացած երակային և զարկերակային բարդություններին և տալ լուծումներ։ 

Անոթային և էնդովասկուլյար վիրաբուժության բաժանմունքում կատարվելու են նաև պլանային վիրահատություններ՝ այս կերպ կանխարգելելով անոթային այնպիսի բարդությունները, ինչպիսիք կարող են առաջանալ քիմիաթերապևտիկ բուժում կամ վիրահատական միջամտություն անցնելու ընթացքում կամ դրանցից հետո։ 

Բաժանմունքը ամբողջովին հագեցած է, ունի 16 գործող մահճակալ։ Կարևոր է, որ բաժանմունքը սպասարկելու է ոչ միայն ուռուցքային հիվանդություններ ունեցող քաղաքացիների։ Անոթային և էնդովասկուլյար վիրաբուժության բաժանմունքում կատարվելու են ցանկացած ծավալի վիրահատական միջամտություն և կոնսերվատիվ բուժում, որոնք առնչվում են երակային և զարկերակային խնդիրներին։

Հարցերի դեպքում զանգահարել +374 10205050 հեռախոսահամարով։