ՀՀ առողջապահության նախարարության և ՈՒԱԿ-ի շարունակական համագործակցության շնորհիվ կենտրոնի դեղատունն ապահովվել է Օքսալիպլատին, Դոքսիլ և Աֆատինիբ անվանումով թանկարժեք քիմիաթերապևտիկ դեղամիջոցներով:

Ուռուցքաբանության ազգային կենտրոնում բուժվող հիվանդներին դեղերը կտրամադրվեն անվճար: 

Այս դեղամիջոցները լայնորեն կիրառվում են քաղցկեղի որոշ տեսակների ժամանակ.

Դոքսիլ. կրծքագեղձի քաղցկեղ, ձվարանների քաղցկեղ, միելոմային հիվանդություն և այլն,

Աֆատինիբ. թոքի քաղցկեղի որոշ տեսակների ժամանակ,

Օքսալիպլատին. հաստ աղիքի քաղցկեղի և ձվարանների քաղցկեղի ժամանակ:

Ուռուցքաբանության ազգային կենտրոնի դեղատան քիմիաթերապևտիկ դեղերի ցանկը Գերմանական BURG-APOTHEKE ընկերության կողմից մարդասիրական եղանակով նաև համալրվել է Պակլիտաքսել դեղով: Այն կիրառվում է կրծքագեղձի քաղցկեղի, ձվարանների քաղցկեղի, թոքի ոչ մանր բջջային քաղցկեղի դեղորայքային բուժման ժամանակ: