ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի նպատակներից է մարդկանց մոտ ձևավորել պատասխանատու վարքագիծ ոչ միայն սեփական առողջության, այլև շրջակա միջավայրի հանդեպ: 

Այս առիթով այսօր Ուռուցքաբանության ազգային կենտրոնը նախաձեռնեց և իրականացրեց ծառատունկ Սարդարապատի հերոսամարտի հուշահամալիրի տարածքում:

Ծառատունկին մասնակցեցին ՈՒԱԿ ղեկավար կազմը, բժշկական անձնակազմը, Արմավիրի մարզի Արմավիր համայնքի ղեկավար Դավիթ Խուդաթյանը, Արմավիրի մարզպետարանի ներկայացուցիչներ: 

Հայաստանում կանաչ տարածքների ավելացումը պետք է դառնա նպատակ բոլորիս համար: Գործընթացի շարունակական բնույթ կրելու նպատակով Ուռուցքաբանության ազգային կենտրոնը ծառատունկի գաղափարի էստաֆետը փոխանցեց NCID/ Ինֆեկցիոն հիվանդությունների ազգային կենտրոնին՝ ի դեմս ծառատունկին մասնակցող ԻՀԱԿ-ի տնօրեն Ստեփան Աթոյանի: 

Մեր կոչն է, որպեսզի այլ կենտրոնները ևս միանան մեր կանաչապատման արշավին և ունենանք ավելի #ԿանաչՀայրենիք, ավելի #ԱռողջՀայրենիք: 

Վստահ ենք՝ հայրենիքի հանդեպ ցուցաբերվող ուշադրությունն ու աջակցությունը շատ մոտ ապագայում կտան իրենց պտուղները: