Վ․ Ա․ Ֆանարջյանի անվան Ուռուցքաբանության ազգային կենտրոնում կիրառվում է կրծքագեղձի քաղցկեղի վիրահատական բուժման Հայաստանի համար նոր եղանակ՝ պահակային ավշահանգույցների հեռացում ռադիոիզոտոպային մեթոդով: 

Կրծքագեղձի չարորակ ուռուցքի վիրահատության ժամանակ հաճախ հարկ է լինում հեռացնել անութափոսի (թևատակի) ավշային հանգուցները՝ քաղցկեղի տարածվածությունը պարզելու համար: Նման ծանր վիրահատությունը կարող է հանգեցնել հետվիրահատական անցանկալի երևույթների՝ վիրահատված կողմի ձեռքի շարժումների սահմանափակում, այտուց, թմրածություն, քրոնիկական ցավ, թիակի տեղաշարժում և այլն:

Այս բարդություններից խուսափելու լավագույն մեթոդը տևական ժամանակ է հասանելի է ՈւԱԿ-ում:

Ցուցումները հաշվի առնելով` կրծքագեղձի վիրահատությունից առաջ կրծքի մեջ ռադիոիզոտոպային նյութ (Technetium-99m) է ներարկվում։

Վիրահատության ժամանակ հատուկ սարքի (գամմա-դետեկտոր) միջոցով հայտնաբերվում և հեռացվում են միայն այն ավշահանգույցները, որոնք հնարավոր է ախտահարված լինեն:

Հիվանդը նույն կամ հաջորդ օրը կարող է գնալ տուն, և հաճախ նույնիսկ վիրակապությունների անհրաժեշտություն չի լինում: