Քաղցկեղի համաշխարհային առաջնորդների գագաթաժողովի ընթացքում քննարկվել է Հայաստանում քաղցկեղի ռեգիստրի ստեղծման հետ կապված ծրագրեր
Այս օրերին Մալայզիայի մայրաքաղաք Կուալա Լումպուրում իր աշխատանքներն է շարունակում ս/թ հոկտեմբերի 1-ին մեկնարկած Քաղցկեղի համաշխարհային առաջնորդների գագաթաժողովը, որը կազմակերպվել է Քաղցկեղի վերահսկման միջազգային միության կողմից (UICC):
Հիշեցնենք, որ քառորյա կոնգրեսին մասնակցում է հայաստանյան պատվիրակությունը ՀՀ Վարչապետի տիկին Աննա Հակոբյանի մասնակցությամբ, ով հանդես է եկել բացման ելույթով: Պատվիրակության անդամներից է նաև Ուռուցքաբանության ազգային կենտրոնի տնօրեն Արմեն Տանանյանը:
Մեր պատվիրակությունը Քաղցկեղի հետազոտությունների միջազգային գործակալության նորընտիր տնօրեն Էլիզաբեթ Ուեիդերփասի հետ քննարկել է Հայաստանում քաղցկեղի ռեգիստրի ստեղծման հետ կապված ծրագրեր:
