ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնում արդեն երկար ժամանակ է գործում է ինտերվենցիոնալ ռադիոլոգիայի ծառայությունը, որն ունի լայն կիրառում ուռուցքաբանական հիվանդությունների արդի բուժման և վարման գործում:

Կենտրոնը հագեցած է Philips ընկերության անգիոգրաֆիկ ժամանակակից շարժական համակարգով, ունենք առանձին վիրահատարան՝ հատուկ վերը նշված ոլորտին վերաբերվող վիրահատություններ իրականացնելու համար:

Ի թիվս այլ միջամտությունների անգիոգրաֆիկ համակարգի կիրառությամբ մեր կենտրոնում իրականացվում է port-a-cath ինֆուզիոն իմպլանտի տեղադրում։

Port-a-chath-ը կամ երակային պորտ համակարգը նախատեսված է քիմիաթերապիա կամ երկարատև երակային ներարկումներ ստացող պացիենտների համար:

Ինչպես պարզաբանում է Որովայնային և էնդովիրաբուժության բաժանմունքի անոթային վիրաբույժ Տիգրան Պողոսյանը, սարքի միջոցով ունենում ենք մուտք դեպի կենտրոնական երակային համակարգ, որը ապահովում է, տվյալ դեպքում, քիմիապրեպարատների ավելի արդյունավետ և ապահով ներարկում:

Վիրահատությունը իրականացվում է առանց ընդհանուր անզգայացման, կատարվում է կաթետերի անցկացում ենթաանրակային կամ ներքին լծային երակային մուտքով դեպի վերին սիներակ։

Այնուհետև կտրված կրծքավանդակի առաջային մասում, անրակից հինգ սմ ներքև, ձևավորվում է ենթամաշկային գրպանիկ։

Կաթետերը միացվում է պորտին, պորտը դրվում է գրպանիկում, որից հետո այն ֆիքսվում է, դրվում են ենթամաշկային և մաշկային կոսմետիկ կարեր:

Քիմիաթերապևտիկ բուժումը պացիենտները հիմնականում սկսում են վիրահատությունից երկու օր հետո: Պորտ կաթետերը կարող է մնալ մինչև հինգ տարի:

«Մեր պացիենտները բուժման ընթացքում գտնվում են մեր անմիջական հսկողության տակ և ցանկացած հարցի պարագայում անմիջական կապ կա վիրահատող բժշկի հետ», - ասում է Տիգրան Պողոսյանը։