ՈՒԱԿ-ում կատարվել է հերթական բարդ և հաջողված գլխուղեղի ուռուցքի հեռացման վիրահատություն
Ֆանարջյանի անվան Ուռուցքաբանության ազգային կենտրոնում կատարվել են բազմաթիվ գլխուղեղի հաջողված և բարդ վիրահատություններ՝ բարձր արդյունավետությամբ։
Վերջերս ՈՒԱԿ էր դիմել 50 տարեկան պացիենտ՝«գլխուղեղի ձախ գագաթային շրջանի նորագոյաթյություն» (մենինգիոմա) ախտորոշմամբ:
Նեյրոօնկոլոգիկան բաժանմունքի վարիչ՝ Լևոն Հայությունյանի և բաժանմունքի նյարդավիրաբույժ ուռուցքաբան Ռուբեն Հարությունյանի միասնական ջանքերի շնորհիվ կատարվեց հերթական բարդ և հաջողված վիրահատությունը: Բարդությունն այն էր, որ ուռուցքը պետք էր շերտազատել գլխուղեղից՝ առանց վնասելու կյանքի համար ֆունկցիոնալ առումով կարևոր տարրերը, ինչը և հաջողությամբ կատարվեց։ Հստակ որոշելով ամենաանվտանգ եղանակը՝ մեր բժիշները կարողացան 8x6 սմ չափերով ծավալուն նորագոյացությունը ամբողջովին հեռացնել:
Բարձր պրոֆեսիոնալիզմ ունեցող մեր մասնագետների համակարգված աշխատանքի շնորհիվ՝ վիրահատության ընթացքը կատարվեց սահուն, առանց որևէ դժվարության։ Իսկ հետվիրահատական շրջանն ընթացավ հարթ, առանց բարդությունների:
