Ուռուցքաբանության ազգային կենտրոնի ախտորոշիչ լաբորատորիան ԱՄՆ ազգային հավատարմագրող մարմնից (ANAB) ստացել է ISO 15189։2022 ստանդարտի հավատարմագրում։

ՈՒԱԿ տնօրեն Նարեկ Մանուկյանն ընդգծում է, որ կենտրոնի բարեփոխումների հիմքում արևմտյան աշխարհում գործող ոլորտի առանցքային ստանդարտների ներդրումն է, որը կնվազեցնի բուժման նպատակով արտերկիր մեկնելու անհրաժեշտությունը։

Այժմ բուժառուները շտապ հետազոտությունների արդյունքները 2 ժամ անց ստանալու հնարավորություն ունեն։

ANAB-ն այս ստանդարտի հավատարմագրումն իրականացրել է աշխարհում ընդամենը 11 լաբորատորիայում։ 2022 թվականի խմբագրմամբ լաբորատոր ծառայությունների որակի ապահովման այս ստանդարտը ներդրվել է տարբեր երկրների միայն 3 լաբորատորիայում, որոնցից մեկն ՈՒԱԿ լաբորատորիան է։

Հաջորդիվ ՈՒԱԿ-ի զարգացման տեսլականում բոլոր ծառայություններում համապատասխան միջազգային ստանդարտների ներդրումն է։