Իրանական Վարան Փարթո Դարման ընկերության հրավերով Ուռուցքաբանության ազգային կենտրոնի պատվիրակությունը՝ կենտրոնի տնօրեն, պրոֆեսոր Արմեն Տանանյանի գլխավորությամբ, մասնակցում է 2017թ. նոյեմբերի 30 -ից դեկտեմբերի 2-ը Թեհրանում (Իրան) կայացող Արևմտյան Ասիայի ուռուցքաբանական կոնֆերանսին (West Asia Cancer Conference, WACC 2017):

Կոնֆերանսը կազմակերպված է շուրջ 16 երկրների միջազգային կառույցների և Առողջապահության համաշխարհային կազմակերպության ջանքերով և նվիրված է քաղցկեղի համաճարակաբանության, գիտական և կլինիկական ուռուցքաբանության արդի հիմնախնդիրներին: Կոնֆերանսի ընթացքում նախատեսված են նաև հանդիպումներ Իրանի ուռուցքաբանական և ռադիոթերապևտիկ մասնագիտական կազմակերպությունների, հայ համայնքի ներկայացուցիչների հետ: