Խորը ցավով տեղեկացնում ենք, որ կյանքից անժամանակ հեռացել է Ուռուցքաբանության ազգային կենտրոնի երկարամյա աշխատակից, ճառագայթային ուռուցքաբան Հակոբ Ֆիչիջյանը։

Հակոբ Ֆիչիջյանը սեպտեմբերին կդառնար 65 տարեկան։ Շուրջ 35 տարի բժիշկը աշխատել է մեր կենտրոնում՝ իր գիտելիքներով և մեծ փորձառությամբ բուժելով հազարներին: Նրա անցած ուղին և մինչև վերջին օրը նվիրվածությունն իր մասնագիտությանը հավերժ օրինակ կլինեն ապագա սերունդների համար, ովքեր նվիրվել են մարդկանց կյանքեր փրկելուն, նրանց կյանքի որակը բարձրացնելուն:

Վաստակաշատ բժիշկն իր գործի անմնացորդ նվիրյալն էր ու միշտ հավատարիմ իր երդմանը:

ՈՒԱԿ-ի ողջ անձնակազմն իր ցավակցությունն է հայտնում սիրելի գործընկերոջ ընտանիքին, հարազատներին և բոլոր մտերիմներին:

Ֆիչիջյանի հոգեհանգստի արարողությունը տեղի կունենա հուլիսի 16-ին՝ ժամը 18:00-20:00-ն, «Բաքոս» սգո սրահում (հասցե՝ Դավիթ Բեկի 103):