«Կրթությունը չի փոխում աշխարհը, այն փոխում է այն մարդկանց, ովքեր պատրաստվում են փոխել աշխարհը». Պաուլո Ֆրեյր

Եկե´ք աշխարհը ավելի լավը դարձնենք մեր գիտելիքներով ու աշխատանքով:

Այսպիսով`

ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնը հայտարարում է «Գիտական հետազոտությունները ուռուցքաբանության ոլորտում» թեմայով դասընթացի գրանցման մեկնարկի մասին:

Դասընթացը ներառում է համապարփակ տեղեկատվություն գիտական հետազոտությունների իրականացման մեթոդաբանության, վերլուծության և գիտական ամսագրերում տպագրության հնարավորությունների մասին։

Դասընթացը վարելու են միջազգային և հայաստանյան լավագույն փորձագետները։

Դասընթացը տեղի կունենա ս.թ. սեպտեմբերի 8-ին և 9-ին՝ Ուռուցքաբանության ազգային կենտրոնում (հասցե՝ ք. Երևան, Քանաքեռ-Զեյթուն վարչական շրջան, Ֆանարջյան 76):

Դասընթացի ավարտին մասնակիցներին կտրվեն ՇՄԶ կրեդիտավորմամբ հավաստագրեր:

Դասընթացի աշխատանքային լեզուն լինելու է անգլերենը։

Մասնակիցների քանակը սահմանափակ է:

Մասնակցելու համար խնդրում ենք մինչ ս.թ. օգոստոսի 31-ը գրանցվել հետևյալ հղումով` bit.ly/3cMu7dx

Ընտրված մասնակիցները հետադարձ նամակով կտեղեկացվեն դասընթացի մանրամասների մասին։

 

Հարցերի դեպքում կարող եք զանգահարել հետևյալ հեռախոսահամարով՝ 010205050, կամ գրել [email protected] էլեկտրոնային հասցեին: