ՀՀ ԱՆ Ուռուցքաբանության ազգային կենտրոնի բուժանձնակազմը շնորհավորում է բոլոր բուժքույրերին` Բուժքույրերի միջազգային օրվա կապակցությամբ: Սա առիթ է մեկ անգամ ևս բարձրաձայնելու բուժքրոջ մարդասիրական ու անձնվեր աշխատանքի մասին, առանց որի որևէ բժշկի աշխատանք ավարտուն չի կարող լինել:

Գթության քույրերի ծառայությունն առաջին անգամ կազմակերպվել է Ղրիմի պատերազմի ժամանակ: Չնայած այն հանգամանքին, որ այս տոնն ավելի քան հարյուր հիսուն տարվա պատմություն ունի, միայն 1974 թ. հունվարին ընդունվեց որոշում նշել այն մայիսի 12-ին, երբ 141 երկրների գթության քույրեր միավորվեցին մասնագիտական հասարակական կազմակերպության` Բուժքույրերի միջազգային խորհուրդի շրջանակում։ Այդ օրվանից մայիսի 12-ը նշվում է որպես Բուժքույրերի միջազգային օր (International Nurses Day):