ՈՒԱԿ-ում հաջողությամբ կատարվել է եզակի բարդության վիրահատություն՝ 4-րդ A փուլի դեմքի միջին երրորդականի տափակ բջջային քաղցկեղի ամբողջական հեռացմամբ։ Ուռուցքը հեռացվել է արտաքին քթի, վերին շրթունքի, քթի միջնապատի և կարծր քիմքի առաջային երրորդականի հետ միասին։

Ուռուցքի ծավալային հեռացումից հետո վիրաբույժները կանգնել էին ինչպես էսթետիկ, այնպես էլ ֆունկցիոնալության վերականգնման լուրջ մարտահրավերի առաջ։ Որպես լուծում՝ կատարվել է բացառիկ պրոթեզավորում․ գանգի ոսկրերում տեղադրվել են դենտալ իմպլանտատներ, որոնց վրա տեղադրվել է հատուկ անհատական պատրաստված քթի և վերին շրթունքի էկզոպրոթեզ։

Նման ուռուցքները հազվադեպ են հանդիպում, իսկ նման ծավալով համալիր վիրահատություն և պրոթեզավորում Հայաստանում կատարվել է առաջին անգամ։ 

Վիրահատությունն իրականացվել է ՈՒԱԿ Ս. Սեինյանի անվան հենաշարժիչ համակարգի ուռուցքաբանության բաժանմունքի դիմածնոտային վիրաբույժներ Հայկ Բաբայանի, Սերգեյ Ղազանչյանի, անեսթեզիոլոգ Կոնստանտին Մակարյանի, հրավիրյալ մասնագետներ՝ դիմածնոտային վիրաբույժ-իմպլանտոլոգ Արեգ Քյուրջյան, օրթոպեդ-ստոմատոլոգ, անապլաստոլոգ Սերգո Հովհաննիսյանի և Կարեն Մաշինյանի համատեղ ջանքերով։

Վիրահատության և էկզոպրոթեզավորման հիմնական նպատակը եղել է ոչ միայն ուռուցքի ամբողջական հեռացումն, այլ նաև պացիենտի կյանքի որակի զգալի բարելավումը։