Այս տարվա կոնգրեսի ակնառու տարբերությունը մասնակիցների աշխարհագրության լայնությունն է․ «Հայկական ուռուցքաբանական 3-րդ կոնգրես»
ՈւԱԿ տնօրեն Նարեկ Մանուկյանն իր խոսքում նշեց, որ այս տարվա կոնգրեսն իր որակով չի զիջում աշխարհում կազմակերպվող ուռուցքաբանական լավագույն կոնգրեսներին, ապա հավելեց.
«Այս տարվա կոնգրեսի ակնառու տարբերությունը մասնակիցների աշխարհագրության լայնությունն է՝ Ռուսաստանից մինչև Իրան, Եվրոպայից մինչև ԱՄՆ»:
Այսպիսով՝ «Հայկական ուռուցքաբանական 3-րդ կոնգրես»-ի ընթացքում իրենց փորձով, գիտելիքներով են կիսվել ուռուցքաբանության ոլորտի լավագույն մասնագետներից մի քանիսը: Հայաստանյան ուռուցքաբաններին կոնգրեսը հնարավորություն է տվել ոլորտի լավագույն մասնագետներից ստանալ շատ հարցերի պատասխաններ, առավել շատ տեղեկություններ ստանալ միջազգային փորձի վերաբերյալ և նոր գիտելիքներով անցնել աշխատանքի։
