Կլինիկական ուռուցքաբանության ամերիկյան միության (ASCO) ամենամյա հանդիպմանը աշխարհի առաջատար ուռուցքաբանական կենտրոնները, դեղագործական մեծ ընկերությունները և ոլորտի այլ առաջատարները ներկայացվում են մեծ ցուցահանդեսի շրջանակում: Այս տարի առաջին անգամ Հայաստանը ևս ներկայացված է առանձին տաղավարով. մեր երկիրը ներկայացնում են ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնը, ՀՀ Առողջապահության նախարարության պրոֆեսոր Յոլյանի անվան արյունաբանական կենտրոնը և Immune Oncology Research Instituteը (IMMONC):

Այս մասնակցությունը բացառիկ է նաև նրանով, որ ամբողջ տարածաշրջանից միայն Հայաստանն է ներկայացված նման ձևաչափով:

Հիմնական նպատակը Հայաստանի բժշկագիտական պոտենցիալի ներկայացումն ու հնարավոր նոր գործընկերների ձեռքբերումն է: