Ուռուցքաբանության Ազգային կենտրոնում բացվել է երկու հիմնանորոգված բաժանմունք
Ա.Ֆանարջյանի անվան Ուռուցքաբանության Ազգային կենտրոնում տեղի ունեցավ միանգամից երկու հիմնանորոգված բաժանմունքների բացում։ Շահագործման հանձնվեցին «Օնկոգինեկոլոգիայի» ինչպես նաև «Որովայնային և Էնդովիրաբուժության» բաժանմունքները, որտեղ հնարավորություն կունենան բուժսպասարկում ստանալ 30 հիվանդ։
Բացման հանդիսավոր արարողությանը մասնակցում էին հիվանդանոցի ողջ անձնակազմը տեր Շմավոն Քահանա Ղևոնդյանը ով իր խոսքում նշեց, որ բժշկի մասնագիտությունը Աստծու կողմից շնորհված մասնագիտություն է, մենք քահանաներս զբաղվում ենք հոգու, իսկ բժիշկները մարմնի փրկությամբ»։ Հանդիսավոր խոսքով ելույթ ունեցան ՈւԱԿ-ի տնօրեն բ.գ.դ. Արմեն Տանանյանը, փոխտնօրեն բ.գ.թ. Վարուժան Շախսուվարյանը։
Շնորհակալական խոսքով հանդես եկան բաժանմունքի վարիչներ՝ Գագիկ Ջիլավյանը և Արմեն Հովսեփյանը ովքեր նշեցին ,որ կշարունակեն անձնուրաց աշխատել և նորանոր կյանքեր փրկել:
