Ուռուցքաբանության ազգային կենտրոնը պաշտոնապես միացել է Կլինիկական հետազոտությունների կենտրոնների ընկերակցությանը
Ուրախ ենք կիսվել մեր հերթական ձեռքբերումով. Ուռուցքաբանության ազգային կենտրոնը պաշտոնապես միացել է Կլինիկական հետազոտությունների կենտրոնների ընկերակցությանը (SCRS – Society for Clinical Research Sites):
Այս համատեքստում մեր մասնագետներն օրերս մասնակցել են European Site Solutions Summit-ին, որը տեղի է ունեցել փետրվարի 24-25-ը Լիսաբոնում, Պորտուգալիա։
\Գագաթնաժողովին մասնակցությունն արժեքավոր հնարավորություն էր նոր կապեր հաստատելու, փորձի փոխանակման և համագործակցության նոր ուղիներ նախանշելու համար։
Մենք կարևորում ենք Հայաստանի աշխարհի հետ համընթաց զարգացումը ոչ միայն հիվանդության վաղ ախտորոշման և արդյունավետ բուժման գործընթացներում, այլև կլինիկական հետազոտությունների իրականացման՝ նպատակ ունենալով նպաստելու նորագոյույն տեխնոլոգիաների և բուժման ժամանակակից մեթոդների հասանելիությանը ՀՀ-ում:
