«Ուռուցքաբանության,արյունաբանության և պալիատիվ խնամքի Հայաստանի բուժքույրերի» միությունը կազմակերպում է երկրորդ տարեկան կոնգրեսը
Մայիսի 12-ը նվիրված է ամենամարդասիրական մասնագիտություններից մեկին․ աշխարհում այն նշվում է որպես Բուժքույրերի միջազգային օր
Սիրելի՛ բուժքույրեր, օրվա առիթով «Ուռուցքաբանության,արյունաբանության և պալիատիվ խնամքի Հայաստանի բուժքույրերի» միությունը կազմակերպում է երկրորդ տարեկան կոնգրեսը։
Կոնգրեսը Հայաստանում լայնամասշտաբ է, քանի որ հնարավորություն է ընձեռում մեկ հարթակում համախմբելու տարբեր բուժհաստատությունների բուժքույրերին:
Կոնգրեսի նպատակն է միջին բուժաշխատողներին տալ մասնագիտական որակավորումները բարձրացնելու, շարունակաբար կրթվելու և վերապատրաստվելու հնարավորություն:
Կոնգրեսի համակազմակերպիչներն են ՀՀ ԱՆ Վ.Ա. Ֆանարջյանի անվան ուռուցքաբանության ազգային կենտրոնն ու Առողջապահության նախարարության պրոֆեսոր Յոլյանի անվան արյունաբանական կենտրոնը:
Բոլոր մասնակիցներին տրվելու են տեսական և գործնական ՇՄԶ կրեդիտներ։
Մասնակցությունը անվճար է։
Տեղերը սահմանափակ են:
Անցկացման օր՝ մայիսի 12
Անցկացման ժամ՝ 09։00-17:00
Անցկացման վայր՝ Վ. Ա. Ֆանարջյանի անվան ուռուցքաբանության ազգային կենտրոնի Պրոֆեսոր Հայրապետ Գալստյանի անվան դահլիճ:
Մանրամասների և գրանցման համար երկուշաբթիից ուրբաթ՝ 09:00-16:45, կարող եք զանգահարել 010205050 հեռախոսահամարին:
