Ուռուցքաբանության ազգային կենտրոնի Օնկոգինեկոլոգիական բաժանմունքի ղեկավար Գագիկ Արամի Ջիլավյանը նշում է գործունեության 30-ամյակը։

Պրոֆեսոր Ջիլավյանը բաժնի ղեկավար է նշանակվել 1993թ․-ին և իր ամենօրյա աշխատանքով պայքարում է կանանց կյանքերը փրկելու, նրանց առողջությունը լավացնելու, նրանց կյանքի որակը բարելավելու համար։

Իր երդմանը հավատարիմ բժիշկը քրտնաջան և անձնվեր աշխատանքի շնորհիվ արդեն իսկ կատարել է ավելի քան 20 000 վիրահատություն։ Խոսքերը քիչ են շնորհակալություն հայտնելու բժշկին՝ անմնացորդ նվիրումի և աստվածահաճո առաքելությունը պատվով կատարելու համար։

Գագիկ Ջիլավյանը ուռուցքաբանների ասոցիացիայի անդամ է, ESGO և ESMO-ի անդամ, Ուռուցքաբանության ազգային կենտրոնի գիտխորհրդի անդամ, ԵՊԲՀ Ընդհանուր ուռուցքաբանության ամբիոնի պրոֆեսոր:

Ուռուցքաբանության ազգային կենտրոնի հիմնադրման 75-ամյակի առթիվ, առողջապահության բնագավառում ներդրած նշանակալի ավանդի համար պարգևատրվել է Մխիթար Հերացու մեդալով:

Ավելի քան 100 գիտական ուսումնասիրությունների և օնկոգինեկոլոգիական հիվանդների վիրաբուժական բուժման օպտիմալացման վերաբերյալ մի շարք առաջարկների հեղինակ է։ Նա ներկայացրել է մի քանի առաջարկ՝ արգանդի վզիկի քաղցկեղով հիվանդների մոտ Վերթհայմի վիրահատությունից հետո հետվիրահատական ռիսկերի նվազեցման վերաբերյալ։